By 
“ევროპარლამენტი, უკანასკნელ პერიოდში გამოაშკარავებული კორუფციული სკანდალების შედეგად ნდობას კარგავს. რეალურად ძალიან მცირეა იმ განცხადებების, რეზოლუციების თუ გადაწყვეტილებების რიცხვი, რომლებიც სასარგებლოა ევროპისთვის” – ამბობს პიტერ სიიარტო.
უკრაინის ომის კომენტირებისას, მინისტრმა აღნიშნა, რომ სიცოცხლის გადარჩენა შესაძლებელია მხოლოდ მშვიდობისა და ცეცხლის შეწყვეტის გზით, რის გამოც უნგრეთს სურს მიაღწიოს დაუყოვნებლივ ცეცხლის შეწყვეტას და სამშვიდობო მოლაპარაკებებს უკრაინის ომში. პიტერ სიიარტომ ხაზგასმით აღნიშნა, რომ ბოლო კვირების განმავლობაში გაკეთებული განცხადებებით სავარაუდოა, რომ ომი გრძელდება, რაც, მისი თქმით, „ყველაზე ცუდი ამბავია, რაც შეიძლება ომის შესახებ მივიღოთ“.
ხუთშაბათს ევროკავშირის სამიტზე გამოსვლისას ევროპარლამენტის პრეზიდენტმა რობერტა მეცოლამ განაცხადა, რომ უკრაინას სჭირდება მეტი მხარდაჭერა, იარაღი, მეტი ტანკი, თვითმფრინავი და შორი დისტანციური თავდაცვის სისტემები.
ამის საპასუხოდ, სიიარტომ თქვა, რომ ევროპარლამენტის „სანდოობა პრაქტიკულად ნულის ტოლია“ და რომ ბოლოდროინდელმა კორუფციულმა სკანდალმა ნათლად აჩვენა, რომ ევროპარლამენტი არის „ერთ-ერთი ყველაზე კორუმპირებული ორგანიზაცია მსოფლიოში“. მან დასძინა, რომ ორგანიზაციის გადაწყვეტილებებმა და განცხადებებმა „ზოგადად დააზარალა ევროპა“, ხაზგასმით აღნიშნა, რომ იარაღის მიწოდება მხოლოდ ომის გახანგრძლივებას ნიშნავს.
წყარო: https://is.gd/GNdteH
