სომხეთი მთიან ყარაბაღს აზერბაიჯანის ნაწილად აღიარებს

22 მაისი, 2023 წ.

22 მაისს გამართულ პრესკონფერენციაზე სომხეთის პრემიერ-მინისტრმა, ნიკოლ ფაშინიანმა, განაცხადა, რომ ერევანი მთიან ყარაბაღს აზერბაიჯანის ნაწილად აღიარებს.
„ვაღიარებთ აზერბაიჯანის ტერიტორიას, რომლის ფართობი 86 ათასი კვადრატული კილომეტრია და მასში მთიანი ყარაბაღიც შედის“, – განაცხადა პაშინიანმა.
სომხეთის პრემიერ-მინისტრმა ისიც აღნიშნა, რომ აღიარება იმ შემთხვევაში მოხდება თუ ყარაბაღის სომხური მოსახლეობის უსაფრთხოება დაცული იქნება.
რამდენიმე დღის წინ აზერბაიჯანის პრეზიდენტი ილჰამ ალიევი და სომხეთის პრემიერ-მინისტრი ნიკოლ ფაშინიანი ბრიუსელში ერთმანეთს შეხვდნენ. მანამდე კი ვაშინგტონში ორი ქვეყნის საგარეო საქმეთა მინისტრების მოლაპარაკება გაიმართა.

წყარო: https://english.alarabiya.net/News/world/2023/05/22/Armenia-will-recognize-Karabakh-as-part-of-Azerbaijan-if-security-guaranteed-Report