By 
ბაიდენმა ერთხელ იმის პირობაც კი დადო, რომ „რუბლს ნანგრევებად აქცევდა“
8 აგვისტო, 2023 წ.
საერთაშორისო სავალუტო ფონდის (IMF) განცხადებით, მოსალოდნელია, რომ წელს რუსეთის ეკონომიკა 1,5 პროცენტით გაიზრდება, მიუხედავად იმისა, რომ დასავლეთმა, რომელსაც აშშ ხელმძღვანელობს, მოსკოვს სანქციები დაუწესა. ბაიდენმა ერთხელ იმის პირობაც კი დადო, რომ „რუბლს ნანგრევებად აქცევდა“.
გასულ წელს რუსეთის ეკონომიკა 2,1 პროცენტით შემცირდა, თუმცა უკვე იზრდება, რადგან რუსეთი სანქციებს შეეგუა. რამდენიმე დღის წინ ყოველდღიურმა ამერიკულმა გაზეთმა Wall Street Journal-მა ამ ეკონომიკურ ომს „ჩიხი“ უწოდა და უკრაინაში ბრძოლის ველზე არსებულ ვითარებას შეადარა.
სტატიაში ნათქვამია, რომ სანქციებმა თავდაპირველად რუსეთს მიკროჩიპებისა და სხვა ტექნიკური კომპონენტების შეძენის პროცესი გაურთულა, თუმცა მოსკოვმა მეზობელი ქვეყნების მეშვეობით სანქციებს თავი დააღწია. რუსეთმა ნავთობის გაყიდვის პრობლემაც მოაგვარა, რადგან ინდოეთსა და აზიის სხვა ქვეყნებში თავისი „შავი ოქროს“ გასაღების ბაზრებს მიაგნო.
Wall Street Journal-ი ანალიტიკოსების სიტყვებს იშველიებს, რომლებმაც განაცხადეს, რომ სანქციები რუსეთს გრძელვადიან პერსპექტივაში დააზარალებს, თუმცა მოსკოვი პეკინთან უფრო მჭიდრო კავშირებს ამყარებს და მნიშვნელოვნად ზრდის სავაჭრო ბრუნვას.
რუსეთი, ჩინეთი და სხვა ქვეყნები, რომლებზეც შეერთებულ შტატებს სანქციები აქვს დაწესებული, ვაშინგტონის კონტროლირებული გლობალური ფინანსური სისტემის ალტერნატივას ქმნიან.
ამერიკულმა სანქციებმა პატარა ქვეყნების ეკონომიკა საფუძვლიანად გაანადგურა, თუმცა დიდი ეკონომიკის მქონე რუსეთს ყველაზე მკაცრი სანქციები დაუწესა.
პატარა ქვეყნებზე აშშ-ის დაწესებული სანქციები გარკვეულწილად საკუთარ ძალას კარგავს, რადგან ჩინეთი და რუსეთი ალტერნატიულ ბაზრებს გვთავაზობენ.
მაგალითად, 2020 წელს ირანმა იმაზე მეტი ნავთობი გაყიდა, ვიდრე 2016 წელს, ვიდრე აშშ 2018 წელს JCPOA-იდან (ირანის ბირთვული პროგრამის შესახებ შეთანხმება) გამოვიდოდა და თეირანს სანქციებს დაუწესებდა. ირანის ნავთობს ძირითადად ჩინეთი ყიდულობს.
https://news.antiwar.com/2023/08/03/russias-economy-projected-to-grow-despite-western-sanctions/
