By 
5 მაისი, 2023 წ.
დონალდ ტრამპის თქმით, უკრაინაში ომის დასრულება „ადვილია“. ყოფილმა პრეზიდენტმა პირობა დადო, რომ საბრძოლო მოქმედებებს „24 საათში“ დაასრულებს.
ბრიტანულ საინფორმაციო ტელეარხ GB News-ისთვის მიცემულ ინტერვიუში 2024 წლის აშშ-ის საპრეზიდენტო არჩევნებში რესპუბლიკური პარტიის კანდიდატმა ჩვეული მკვეთრი ტონით ისაუბრა რუსეთის უკრაინაში ინტერვენციაზე. ტრამპი ხშირად ამბობს, პრეზიდენტი რომ ყოფილიყო ეს ომი არ დაიწყებოდა.
ბატონი ტრამპის თქმით, მიმდინარე ომის შედეგები, მათ შორის ის, რომ „მსოფლიო ყველაზე სახიფათო სიტუაციაშია, რომელშიც ოდესმე ყოფილა იარაღის სიმძლავრის გამო, მათ შორის ბირთვული იარაღის“, მისი სურვილია, რომ მომავალ წელს კიდევ ერთხელ აირჩიონ პრეზიდენტად. ამ კონფლიქტს ადამიანთა ცხოვრებაზე „ბევრად დიდი გავლენა აქვს, ვიდრე ვინმეს წარმოუდგენია“.
ტრამპმა ისიც დასძინა, რომ ჯო ბაიდენი, რომელმაც გასული თვის მიწურულს ოფიციალურად წამოაყენა თავისი კანდიდატურა, პრეზიდენტის თანამდებობას არ შეეფერება, რადგან „წარმოდგენა არ აქვს რა უნდა გააკეთოს“.
აშშ-ის ყოფილი პრეზიდენტის განცხადებით, ვლადიმირ პუტინის უკრაინაში შეჭრა ამჟამინდელი ადმინისტრაციის არაკომპეტენტურობაზე მიუთითებს, ნაწილობრივ იმიტომ, რომ ტრამპის მმართველობისას ეს არავის უხსენებია. მისი თქმით, ძალაუფლება რომ ჰქონდეს ამ ომს ყოველგვარი სირთულეების გარეშე დაასრულებს.
„პრეზიდენტი რომ ვყოფილიყავი ამ ომს 24 საათში დავასრულებდი. ზელენსკისა და პუტინს კარგად ვიცნობ. ადვილად მოვილაპარაკებდით“.
მსოფლიოს რამდენიმე ლიდერი სამშვიდობო მოლაპარაკებების დასაწყებად ძალისხმევას არ იშურებს, თუმცა პირობებთან დაკავშირებით მოსკოვსა და კიევს განსხვავებული შეხედულებები აქვთ. დისკუსიაში, რომელიც კონფლიქტის დასრულებას ეხებოდა, ერთადერთი დეტალი ბ-ნი ტრამპის განცხადება იყო, რომლის თანახმადაც როდესაც საქმე მშვიდობას ეხება, „მნიშვნელოვანი თვალსაზრისით ეს ფულსა და სამხედროებთან არის დაკავშირებული“. ინტერვიუერმა და ‘გაერთიანებული სამეფოს დამოუკიდებლობის პარტიის’ (UKIP) ყოფილმა ლიდერმა, ნაიჯელ ფარაჟმა, განაცხადა: „ვფიქრობ, ყველა ვისურვებდით ამ ომის შეწყვეტასა და მუქარის დასრულებას“. ამის შემდეგ საუბარი გაგრძელდა.
წყარო: https://is.gd/0jVDvO
