By 
ორშაბათს ევროპის ცენტრალური ბანკის (ECB) პრეზიდენტმა, კრისტინ ლაგარდმა, ევროპელ კანონმდებლებს განუცხადა, რომ გაოცებული იქნებოდა თუ ევროზონაში ინფლაცია პიკს უკვე მიაღწევდა, რადგან ECB-ის ბოლოდროინდელი საპროცენტო განაკვეთების ზრდა ჯერ არ დასრულებულა.
„მინდოდა, რომ ინფლაციას პიკისთვის ოქტომბერში მიეღწია, მაგრამ ვშიშობ, რომ ეს დღე არც ისე შორს არის“, – განაცხადა ლაგარდმა და დასძინა, რომ ჯერ კიდევ ძალიან დიდი გაურკვევლობაა, რათა შესაძლებლად მიიჩნიონ, რომ ინფლაციამ პიკს მიაღწია, განსაკუთრებით საბითუმო ვაჭრობის დონეზე ენერგომატარებლებისთვის გაღებული დიდი ხარჯების გამო, რაც საცალო ფასებზე აისახება.
ნოემბერში, წელიწად-ნახევრის განმავლობაში პირველად, სამომხმარებლო ფასების ზრდის საერთო ტემპი შენელდა, თუმცა 10 პროცენტზე ზემოთ გაჩერდა. ზუსტად ისე მოხდა, როგორც თითქმის ყველა ეკონომისტმა იწინასწარმეტყველა. სტატისტიკოსები ევროზონაში ინფლაციასთან დაკავშირებულ მონაცემებს ოთხშაბათს გამოაქვეყნებენ.
ინვესტორები ნებისმიერ ნიშანს ეძებენ იმასთან დაკავშირებით, რომ ევროპის ცენტრალური ბანკის საპროცენტო განაკვეთის ზრდა შესაძლოა დასრულდეს ECB-ის ისტორიაში ნასესხები ხარჯების ყველაზე მკვეთრი ზრდის შემდეგ. ფასების ზრდა შიშს იწვევს, რადგან ეს ყველაფერი იმ დროს ხდება, როდესაც ევროზონა რეცესიისთვის ემზადება.
ევროპის ცენტრალური ბანკის მმართველი საბჭოს ზოგიერთმა წევრმა უკვე მოითხოვა საპროცენტო განაკვეთის ზრდის ტემპის შენელება, ასევე თავიანთი გეგმების გამო, რათა დაიწყონ 5 ტრილიონი ევროს ღირებულების ობლიგაციების გაყიდვა, რომლებიც ბოლო ხანებში მომხდარი კრიზისების დროს შეიძინეს. თუმცა სხვა წევრები მიიჩნევენ, რომ მაღალი ფასების განაკვეთის ტემპის შესამსუბუქებლად მცირე შესაძლებლობები არსებობს, რადგან ინფლაცია ხუთჯერ აღემატება ECB-ის 2 პროცენტიან მიზანს.
კრისტინ ლაგარდმა ისიც დასძინა, რომ გადაწყვეტილების მიღებისას, თუ სადამდე გაიზრდება საპროცენტო განაკვეთები, ბანკი გაუმჯობესებული პერსპექტივის, ეკონომიკური შოკების მდგრადობის, ხელფასების ცვლილებისა და ინფლაციური მოლოდინების შესახებ თავის გადაწყვეტილებას დაეყრდნობა. მისი თქმით, ეს შეიძლება იმას ნიშნავს, რომ ფასებზე ზეწოლის გაგრძელებისას, ნასესხები ხარჯები მიაღწევს იმ დონეს, რომელიც ეკონომიკურ ზრდას შეზღუდავს.
