დათო მაღრაძის ახალი ლექსი – „რეისი პარიზი-თბილისი“

– დავლიოთ! – ღალატით ნატკენი ათოსი
მეტყვის და ნათდება ღვთისმშობლის ტაძარი
პარიზი თბილისში გადარჩა… პათოსი
არ გახლავთ, ჭორია ნოტრდამის ხანძარიც…
… პოდიუმს ეძებენ ყოფილი ჩარჩები:
– ჩვენ აქეთ გვეგონა,
– ვაი და იქ თუა?…
მე მამადავითის ერთგული დავრჩები,
როგორც რომ სეზანი ერთგულებს ვიქტუარს.
უფალმა განსაჯოს, ვის ორმო, ვის პარნა –
სი ელის, სათქმელის ახალი ეტაპით…
და ქუსლით გავსინჯავ სცენაზე ფიცარნაგს,
როგორც გალილეის ლურჯი ზღვის ზედაპირს.