By 
ესპანური ენერგოკომპანია Enagas-ის მიერ გამოქვეყნებული მონაცემების თანახმად, მიმდინარე წლის ივნისში რუსეთი ესპანეთისთვის მოცულობის მხრივ ბუნებრივი აირის პირველი მიმწოდებელი გახდა
10 ივლისი, 2023 წ.
Enagas-ის ინფორმაციით, ზაფხულის პირველ თვეს ესპანეთის სამეფომ რუსეთიდან 7673 გიგავატ-საათის ეკვივალენტი თხევადი ბუნებრივი აირი (LNG) შეიძინა, რაც ესპანეთის მიერ შეძენილი ბუნებრივი აირის 26,8 პროცენტს შეადგენს.
რუსეთს მოსდევს ალჟირი (21%) და აშშ (18,5%). ესპანეთმა 2023 წლის მხოლოდ პირველ ექვს თვეში რუსეთიდან 41,145 გიგავატ-საათი თხევადი ბუნებრივი აირი შეიძინა, 2022 წლის იმავე პერიოდში კი 22,948 გიგავატ-საათი.
მაისში ესპანეთის ენერგეტიკის მინისტრმა ტერეზა რიბერამ განაცხადა, რომ ევროკავშირის ქვეყნები რუსეთიდან თხევადი ბუნებრივი აირის იმპორტს აკრძალავენ „იმაზე ადრე, ვიდრე მოსალოდნელია“.
